Gibarugan sa Inday Sara Movement Philippines pinaagi ni Daniel Nobleza nga ilegal ang tanang dokumento sa bangko nga gilatag sa prosecution sa Impeachment Hearing batok sa Bise Presidente ug sa iyang bana nga si Atty. Mans Carpio.
Tungod niini, gipasabot sa grupo nga ang kwarta sa mag-asawa kay gikan sa kaugalingong negosyo ug law firm, diin ilegal nga gipagawas sa Anti-Money Laundering Council ang mga record nga walay pormal nga mado gikan sa korte.
Gumikan niini, gipadayag sa Inday Sara Movement nga pamaagi sa pamulitika ang pagdugang-dugang sa kwenta sa kada renewal sa time deposit aron lang gawasong bilyon-bilyon ang kwarta sa Bise Presidente sa mata sa publiko.
Gidugang pa ni Nobleza nga walay bisan usa ka sentavo nga pondo sa gobyerno ang nasagol sa pribadong akawnt busa walay katungod ang pamunoan nga manghilabot sa kaugalingong kwarta sa Bise Presidente.
