Gidepensa sa Kapitolyo Probinsyal ang mga pagsaway nga lu-ag ang ilang monitoring sa ilegal nga pagmina-mina sa lalawigan. Namahayag si Celso Abucejo, Special Assistant to the Governor nga wala sukad hunungi ni Misamis Oriental Juliette Uy ang pakigbatok sa illegal mining activities ilabe na sa mga hilit nga bahin sa probinsya.
Gani, dugay nang gipa-aktibo ug gimanduan ni Governor Uy ang Task Force Kinaiyahan nga pahugtan ang ilang kampanya aron dili sila malutsan sa mga kawatan nga mga langyaw sama sa mga nadakpang Insek nga nagmina mina sa Initao, Opol, Lugait, Medina ug uban pang bahin sa lalawigan.
Una niini, gikalipay sa gobernadora ang pagkadakop sa pipila ka mga foreign nationals kay napamatud-an sa Task Force nga sila naglihok sukwahi sa mga pagsaway nga ilang nakuha gikan sa ilang mga kontra sa politika ug mga environmental activist nga nakatutok sa kina-iyahan sa amihanang mindanao.
