CAGAYAN DE ORO CITY – E-demolish na sa puwersa sa konseho sa brgy kuyog ang kapolisan ang mga barung-barong nga dali-dali gitukod sa mga tawo nga ilegal misulod sa pribadong yuta nga iya sa pamilyang Cid sa Landfill,Upper Zayas,Brgy Carmen ning syudad karong adlawa.
Kini human mihupas na ang 10-day ultimatum nga gihatag sa brgy subay sa ordinansa sa dakbayan nga dakong ilegal ang katukuran sa maong mga balay-balay gumikan sa pagpangangkon sa grupo sa mga lumad.
Gibutyag ni Carmen Police Station commander Maj Mario Mantala Jr nga wala na’y hangyo nga ilang ihatag sa mga tawo nga anaa sa sulod kay mihupas na ang gilugway nga mga adlaw kanila.
Una nang giilog ang maong pribadong yuta ug gipang-baligya usab ngadto sa pipila ka residente taliwala nga dakong ilegal ang ilang gihimo.
