CAGAYAN DE ORO CITY-Suspendido na isip mayor si Celso Regencia sa Iligan City.
Kini human gisilbi na sa Department of Interior and Local Government ang 90-day suspension order sa Sandiganbayan batok Regencia.
Matud ni Iligan City Information Officer Joe Pantoja nga nagsumikad ang suspensyon tungod sa kasong “usurpation of public functions” nga gipasaka ni kanhi Vice mayor Ruderic Marzo.
Mismo si DILG-10 assistant director Abdullah Matalam ang nagsilbi sa suspensyon sa alkalde ug milingkod na isip bag-ong mayor si Vice Mayor Jemar Vera Cruz.
Naglaum karon ang kampo ni Regencia nga hatagan sila’g temporary restraining order (TRO) sa Korte Suprema.
