CAGAYAN DE ORO CITY-Gipasalig ni Iligan City Mayor Celso Regencia nga dili pasagdan ang seguridad sa katawhan batok sa hadla sa terorismo dinhi sa Mindanao.
Gihimo ni Regencia ang pahayag tungod sa tulo ka bulan nga suspension niini gikan sa korte nga gipasaka sa mga kaatbang niini sa politika.
Si Regencia unang gikasuhan ni kanhi Iligan City Vice Mayor Rudy Marzo kay nag-trabaho isip mayor bisan anaa sulod sa bilanggguan gumikan sa kasong murder kaniadto.
Dugtong niini,giawhag ni Regencia si acting Iligang City Mayor Msgr Jemar Veracruz ug City Police Director Sr Supt Leony Roy Ga nga isiguro nga seguridad nga dili malutsan ilabina nga duol nang dumdumon ang giyera sa Marawi City sunod semana.
