CAGAYAN DE ORO CITY – Ipaubos sa Dept of Health 10 sa enhanced community quarantine o ECQ tungod sa 64 ka kaso sa local transmission sa COVID-19 ang Iligan City sunod semana.
Kini ang rekomendasyon ni DoH Director Dr Adriano Suba-an aron proteksyonan ang katawhan sa dugang virus infection sa lugar.
Miingon ang opisyal nga anaa na sa danger zone category ang Iligan City tungod sa daghang residente ang natakdan sulod lamang ning semanaha.
Samtang gilayong mitanyag sa pagtabang si City Mayor Oscar Moreno sa katawhan sa Iligan City nga nag-atubang sa taas nga bahad sa infection sa COVID-19.
Kini human kompirmaha sa DoH nga anaa na sa danger zone category ang maong syudad tungod sa bayrus.
Miingon si Moreno nga dili angay talikdan apan tabangan ang Iligan City kay makaapektar usab kini sa mga residente dinhi sa syudad.
Samtang gitambagan ni Iligan City Vice Mayor Jemar Veracruz si Moreno nga mopukos na lamang sa pag-atiman sa iyang kaugalingong katawhan batok coronavirus disease sa syudad.
Miingon si Veracruz nga nagpasalamat sila sa pagpakabana ni Moreno sa Iligan City apan mas angay atimanon ang sitwasyon sa dakbayan nga nasudlan usab sa bayrus.
Namugos ang bise-mayor nga gubat sa bayrus ang gihisgutan hinungdang dili angay usikan ang matag-pondo sa tagsa-tagsa ka panudlanan sa kagamhanan.
