CAGAYAN DE ORO CITY – Gitawag nga dakong iligal ni Gusa Punong Brgy Marlo Tabac ang gihimong pagpapapha kaniya sa 64 ka kaubang kapitanes isip bise-presidente sa Federation of Association of Brgy Councils o ABC ning syudad kagahapong adlawa.
Miingon si Tabac nga ibulgar ra niya sa ensaktong panahon kung kinsa ang pinakautok aron kini mapalagpot sa maong katungdanan gamit ang isyu sa loss of trust and confidence.
Namahayag si Tabac nga kasupakan ang gihimo sa iyang mga kauban kay dili kini igong basehan subay sa ilang constitution in by laws sa ABC rason pangkasuhan niya sila ug nagpaluyo sa maong binuhatan.
Una nang mihangyo ang opisyal nga makalingkod isip presidentee sa ABC sa oras nga magsugod na sa iyang trabaho si incumbent Federation Pres.Alam Lim isip city councilor.
Apan wala kini ihatag sa maong mga kapitan nga giingong mga alyado sa city hall.
