CAGAYAN DE ORO CITY- Nagtoo si outgoing Magdalo Partylist Representative Gary Alejano nga dili mawala ang isyu batok sa pamilyang Duterte ilabina kang Davao City Rep. Paolo Duterte.
Kini bisan mapili siya isip bag-ong House Speaker hulip kang Pampanga Rep Gloria Macapagal-Arroyo nga anaa na sa ikatulong termino isip representante sa kamarabaha.
Sa ekslusibong pakighinabi sa Bombo Radyo, gibutyag ni Alejano nga molapad lamang ang gahom sa mga Duterte apan dili mawala ang ilang gikalambigitang kontrobersya ilabina sa illegal drug trade.
Si Alejano miingon nga walay laing tumong sa pagtudlo kang Pulong isip speaker of the house apan pagkontrol sa legislative department aron matabunan ang tanang isyu batok sa administrasyong Duterte.
