CAGAYAN DE ORO CITY – Nabawian sa kapolisan kinuyugan sa Task Force Kinaiyahan ug Community Environment and Natural Resources o CENRO ang illegal miners sa kagamitan sa pagmina-mina sa bukirang bahin sa Purok Paiton,Brgy Mainit,Iligan City.
Matud ni Police Regional Office 10 Director Brig Gen Jaysen de Guzman nga nahimong napasayon ang hiniusang operasyon kay napatuman ang ensaktong plano batok sa illegal mining operations sa maong lugar.
Walay aktuwal nga mga minero nga nadakpan kay posibleng paspas nakaabot ang impormasyon nga adunay gikasa nga operasyon batok sa maong kalihukan.
Nabawi atol sa operasyon ang unom ka rod mills, lima ka steel rods, capacitator start motor ug lima ka kilo sa polyvinyl chloride resin nga adunay bana-banang kantidad nga 117-mil pesos.
Hisayrang sa miaging mga semana,magkalahi nga operasyon usab sa PNP,MENRO ug Task Force Kinaiyahan sa lungsod sa Opol ingon man sa Manticao,Misamis Oriental diin nadakpan ang halos 20 ka illegal miners kuyog ang minilyong kantidad sa kagamitan sa illegal mining operations.
