CAGAYAN DE ORO CITY – Gihataga’g ultimatum sa Carmen Punong Brgy Lorna Uy ang grupo sa mga lumad nga ilegal nag-okupar sa pribadong yuta nga iya sa pamilyang Cid diha Zone 8,Landfill ning syudad.
Kini human isilbi ang notisya subay sa ordinansa sa dakbayan ngadto sa mga tawo nga misulod sa maong yuta nga walay pagtugot sa katukuran sa ilang mga barung-barong.
Gibutyag ni Carmen Brgy Kag Sunny Cahayag nga hangtod lang sa napulo ka adlaw ang gihatag sa balaod aron boluntaryong mohawa ang maong grupo nga nagpatoong claimants sa ancestral domain sa lugar.
Anaa sa 7-mil ka balay-balay ang paspas natukod sa mga tawo nga ilegal misulod sa maong duluna.
Samtang dili manghawa ang grupo sa mga lumad ug ang mga tawo nga konohay paspas nakapalit sa porsyon sa yuta sa pamilyang Cid kon walay mando gikan sa korte ning syudad.
Kini ang gibarugan ni Datu Kim subay usab sa kamanduan sa ilang mga labaw nga mi-okupar sa maong bahin sa yuta sa Brgy Carmen.
Miingon si Datu Kim nga gusto nila sa ensaktong proseso ug likayan ang paggamit sa puwersa aron kapugngan ang dili maayong hitabo pag-abot sa mismong ultimatum nga gisitar kanila sa brgy.
