CAGAYAN DE ORO CITY, Philippines- Gikandado na sa Department of Migrant Workers ang usa ka travel Agency sa Mandaluyong City, human nalambigit sa ilegal recruitment.
Miingon si DMW Secretary Hans Leo Cacdac nga milusad sa entrapment operation ang ilang ilang ahensya ug napamatud-an ang ilegal nga operasyon sulod sa Thrifty International Travel and Tours, Inc.,
Duha ka empleyado ang direktang nasikop human nangayo kinig 120,000 pesos recruitment fee ug 60,000 ang downpayment aron makatrabaho sa Italy.
Gamit ang marked money, napamatud-an sa DMW ang actual nga pagpangilad sa ahensya sa ilang mga kliyente. Gibutyag ni Cacdac nga nadiskobre nilang walay lisensya ang gipadagan nga travel agency.
