CAGAYAN DE ORO CITY-Itugyan na sa Philippine Charity Sweepstake Office o PCSO kang Pres Rodrigo Duterte ang listahan sa pangalan sa mga operator nga nagpadagan sa illegal Small Town Lottery o STL outlets sa syudad ug lalawigan.
Kini human napakyas ang local govt units o LGUs ug PNP sa pagsumpo hinungdan padayong nag-ubos ang kinitaan sa PCSO-Northern Mindanao.
Gihimo ni Marine Maj Manuel Trajenal Jr,executive asst sa PCSO-Nationwide Inter-Branch Monitoring ang pahayag tungod sa daghang naghitak nga illegal STL outlets sa syudad,Gingoog City ug Balingasag ning lalawigan.
Miingon si Trajenal nga tataw nga nagpasagad ang LGU’s ug PNP sa ilang trabaho rason nga naigo sa economic sabotage ang mando ni Pres Duterte.
Samtang gihagit sa PNP-10 ang PCSO nga tinud-anay sa kampanya batok naghitak nga illegal STL outlets ug dili kutob sa pagtagawtaw lamang.
Miingon si PNP regional spokesperson Supt Lemuel Gonda nga angay buhaton sa PCSO nga makig-meeting kanila ug local govt units o LGUs kay sila ang mas nasayod sa presensiya sa illegal STL outlets.
Gipadumdom ni Gonda nga kabahin sa justice system ang ubang ahensiya sa gobierno ug dili hangtod sa PNP lamang.
Dumduman nga nagpatuman sa ‘one strike’ policy ang PNP batok sa pulpol nga provincial ug city police directors kon mapakyas sila pagsanta sa tanang illegal gambling activities sa gidumala nila nga area of assignments.
