Gikondinar sa International League of Peoples’ Struggle (ILPS)–Philippines ang pag-deploy sa mga langyaw nga tropa sa Barangay Lumbia, ning syudad.
Namahayag si Arnold Padilla, spokesperson sa ILPS–Philippines nga buhing saksi ang kasaysayansa Pilipnas sa daghang paglapas sa tawhanong katungod sa dihang mi-abot ang mga tropang Amerikano sa Kaulohan, sa Central Luzon, ug sa ubang bahin sa nasud.
Gisaysay ni Padilla ang pipila ka pananglitan sama sa Subic rape case sa biktima nga si Nicole niadtong 2005; ang pagpatay kang Jennifer Laude; ang pag-abuso sa mga Aeta sa Central Luzon, ug daghan pang mga insidente nga wala madokumento nga hinimoan sa mga US Marines.
Gi-awhag niya ang publiko nga mag-igmat ug babagan ang subling pag-abot sa langyaw nga kusog, kay nagsilbing dakong leksyon ang ilang mga binuhatan sama sa pagpanglugos, pagpatay, ug pagpang-abuso sa katawhang Pilipino.
