Gipamugos ni Cobbie Jan Canda, spokesperson sa Kabataan Partylist Southern Mindanao nga bakakon ang mga nanag-iya sa oil companies sa nasud.
Usa sa iyang gihimong pananglitan ang PETRON nga unang nanghinambog nga miabot sa 15-Bilyon pesos ang kinitaan sa tuig 2025. Kini ang rason nga imposible nga mabangkatota sila ning tuiga tungod sa kadako sa ilang kita.
Gawas niini, nabati sa ilang pundok nga gipadugay dugay ni Presidente Marcos Jr ang pagsuspenso sa excise tax sa produktong lana, ug napasagdan ang mga kabus nga drayber nga maoy grabeng naapektuhan sa pagsaka sa presyo sa lana, ug nihit ang kinitaan.
Una nang namahayag si Canda nga kada tuig gasaka ang kinitaan sa mga oil companies sa Pilipinas ug kinahanglan imbestigaran ang kalit nga pagpatuman sa oil price hike bisan anaa pa silay mga reserba.
