Mas paborabli kung ang Independent Commission on Infrastructure (ICI) ang muhawid sa imbestigasyon sa mga anomalosong flood control projects sa Department of Public Works and Highways (DPWH).
Kini ang gibutyag ni House Speaker Faustino “Bojie” Dy III, kay nabati niya nga halos dili gatuo ang publiko sa ilang ilusad nga hearing ug aron makalikay sa political bias.
Ang Kamarabaha, sumala ni Dy, posibleng maapektuhan sa mga interes sa mga politiko ug lokal nga opisyal nga nalambigit sa mga proyekto, busa aron malikayan ang conflict of interest ug masiguro ang integridad sa imbestigasyon, mas maayo nga ipasa nalang kini sa ICI.
Ang ICI adunay mandato nga mususi sa proyekto nga may kalambigitan sa mga depektoso nga infrastruktura, lakip na ang pag-audit sa pondo, pag-review sa mga kontrata, ug pag-ila sa mga irregularidad.
Pinaagi sa ilang kahanas ug integridad sa imbestigasyon, mas dali silang makahatag sa rekomendasyon kung kinsa ang angay manubag ug unsaon pagreporma sa sistema aron malikayan ang susamang problema sa umaabot.
