Nagpasidaan sa publiko si Lapasan Punong Barangay Julito Ogsimer nga dili gayud maayong binuang o joke ang pagpadala og bahad sa seguridad sanglit pwedeng mapriso o mag-atubang og bug-at nga sangsyon ug tulubagon ang si kinsa man nga madakpan lakip na ang mga minor de edad.
Subay niini, nagpadayon ang imbestigasyon sa barangay aron matrace ang gigikanan sa maong bahad diha sa Lapasan National High School.
Aron usab masiguro ang kaluwasan sa duha ka tunghaan sa dapit, gipangusgan sa barangay LGU ang close monitoring ug visibility sa mga barangay tanod kauban ang kapulisan batok sa bullying ug recruitment sa mga gang.
Tungod niini, gipasalig sa maong opisyal nga makanunayong nagkahiusa ang eskwelahan, kapulisan, ug barangay aron mapanalipdan ang mga inosenteng kabatan-onan ug magtutudlo.
