Gihagit ni Atty. Joel Maghinay sa Union of People s Lawyers in Mindanao ang mga otoridad nga dili lang kutob sa bank accounts ang imbestigaran sa anomalosong flood control projects sa nasud.
Human sa pagtukod sa usa ka independent commission, iyang gipahimangnoan ang mga imbestigador ug bisan ang senado nga aduna pay daghang pamaagi aron masubay ang posibleng transaksyon sa pagkawat sa pondo sa gobyerno.
Gibutyag ni Maghinay, dili angay isalikway ang kaso kung walay makita sa bangko, kay pinaagi sa forensic investigation sama sa pagsusi sa cellphones ug uban pang porma sa teknolohiya, mahimo gihapon masuta ang mga transaksyon.
Iyang gidugang nga lakip usab sa angayan tan-awon ang lifestyle sa mga nalambigit aron walay makalingkawas nga kawatan.
Usa sa pinakasayon nga pananglitan mao ang mga post sa social media.
