Kritikal nga milanding sa balaytambalanan ang top Russian Military nga si Lieutenant General Vladimir Alexeyev.
Si Alexeyev naila isip labing unang deputy head sa ahensya sa Russian Military Intelligence. Siya gipusil sa daghang higayon sulod sa iyang apartment building sa Moscow. Namahayag ang mga imbestigador nga hanas nga gunman ang mipusil kaniya kay mi-atake kini sayo sa buntag, adlaw’ng Biyernes, ayha mikagiw sa dili matino nga direksyon. Sa edad nga 64, si Alexeyev usa ka sa gipasidunggan nga opisyal ni Russian President Vladimir Putin isip Hero of Russia nga nagbaton sa dakong papel sa pagpangulo sa giyera sa Ukraine. Wala laing gibasol sa atake kundili ang gobyerno ni Volodymyr Zelenskyy.
