Gipakuratan ni Presidential sister ug Senator Imee Marcos ang Pilipinas sa pagsulti nga dugay nang tiggamitan sa ilegal nga droga ang iyang igsoon nga si Pres Bongbong Marcos.
Kini human kabahin si Imee sa mihatag sa pakigpulong sa 2nd day sa prayer rally sa Iglesia Ni Cristo/ INC sa Quirino Grandstand sa kauluhan karong gabii.
Miingon ang senador nga dugay na kining gihimo sa iyang igsoon sukad pa sila nga mga batan-on pa.
Gani, nalipay na unta kini nga naminyo si Bongbong Marcos kang Liza Araneta sa pagtoo nga magbaton na sa hapsay ug adunay direksyon na ang kinabuhi niini.
Apan pag-umangkon sa senadora nga dako niyang pagkadismaya kay imbis mahaw-as sa bisyo si Bongbong,nagsamot na hinoon kini kay giingong tiggamitan na hinoon ang duruha sa droga.
Dumduman nga una nang gitawag ni kanhi Pres Rodrigo Duterte si Bongbong nga ‘bangag’ apan wala kini sukad tumpangi sa pamilyang Marcos.
Gani,galikay usab si Marcos Jr pagtumpang kung hagiton kini sa iyang mga kritiko nga mopaubos sa hair follicle test.
Sa pagpabuto ni Imee sa maong expose, wala pa’y gilugwa nga pahayag ang first couple o bisan ang mga tigpamaba sa Malakanyang.
