CAGAYAN DE ORO CITY, Philippines – Immediate session sa senado ang gidemanda sa pipila ka mga eksperto sa balaod, aron mu-aginod ang impeachment trial ni Bise Presidente Sara Duterte.
Personal kining gi-apelar ni Constitutionalist Atty Antonio Gabriel “Tony” La Viña, kang Senate President Chiz Escudero.
Namugos si La Viña nga bug-at ug seryoso ang mga reklamo nga na-file sa Kamarabaha busa nahukman siya sa 240 ka mga magbabalaod nga ma-impeach sa iyang katungdanan.
Gidemanda sa experto sa balaod nga sabton ni Escudero ang rules of impeachment ug dili kini angayan nga langanon o ipakilid taliwala nga mipatuman sa session break ang senado.
Gibutyag ni La Viña nga seryoso ang gihulga sa bise presidente nga ipapatay sila Presidente Bongbong Marcos, iyang kapikas ug ang speaker of the house nga si Martin Romualdez.
Gawas sa hulga, nakita ni La Viña nga sal-an si Duterte sa paggamit sa iyang confidential ug intelligence funds kung basehan ang imbestigasyon nga gilusad sa House Quadrupole Committee, diin daghan sa mga resource person gikan sa Department of Education ug Office of the Vice President ang na contempt sa kamarabaha sa pagdumili sa pagtubag sa mga kontrobersyal nga impormasyon nga kinahanglan unta lamdagan sa duha ka ahensya.
Milaum si La Viña nga mupatawag sa hinanali o immediate session ang senado tungod sa kabug-at sa alegasyon nga dili angayan ipakilid o langanon sa senado tungod kay naghulat ang katawhan nga matin-awan kung sal-an ba ang bisen presidente o dili.
Una niini, daghang mga hearing sa kamarabaha ang gi-isnab ni Duterte ug namugos nga puro pandaut sa iyang imahe ang tumong sa mga magbabalaod nga nagkapa huwes, inay mga imbestigador.
