Dili alang sa pagpapanubag o paghimo kang Vice President Sara Duterte nga accountable, kondili aron mapugngan siya sa pagdagan sa 2028 presidential elections ang nakita nga rason ni Former Misamis Oriental Vice Governor Joey Pelaez kung nganong nakakuha og overwhelming nga boto sa Kamara ang Bise Presidente aron siya ma-impeach.
Matod ni Pelaez, nahadlok ang mga kaatbang politikal ni Duterte tungod sa kusog nga suporta nga iyang nadawat gikan sa katawhan.
Iyang gibutyag ang kontrobersiya sa flood control scandal diin bilyones nga pondo ang nalambigit apan wala pa’y dakong imbestigasyon o mga personalidad nga gipatawag sa Kongreso, nga mas angay unta hatagan og pagtagad.
Gitataw usab ni Pelaez nga sayon ra ang proseso sa liquidation sa confidential funds, busa dakong pangutana kaniya nganong dako kaayo ang kasaba batok sa pondo sa Bise Presidente apan hilom sa isyu sa flood control scandal.
Alang kaniya, adunay politikal nga interes sa luyo sa impeachment ug konektado kini sa umaabot nga 2028 presidential elections.
