Gipasabot ni Atty. James Judith,usa ka political analyst, nga ang pre-trial usa ka preliminaryo nga hugna sa dili pa ang pormal nga trial diin tukion ang mga kaso, mga testigo, ug ang schedule sa husay.
Dugang pa niya, bisan og walay kasabutan o compromise nga makab-ot sa kasong impeachment, padayon gihapon ang maong proseso sanglit na-impeach na si Bise Presidente Sara Duterte ug naghulat na lamang kini sa conviction gikan sa Senado.
Mahitungod sa boto, gipunting ni Atty. Judith nga nagpabiling lalisunon kung pila ba gayud ang kinatibuk-ang gidaghanon sa mga senador nga gikinahanglan, base sa 24 o 22 ka mga miyembro.
Tungod niini, kinahanglan pang klarohon kung pila ang basehanan sa boto aron masayran ang tukmang gidaghanon sa 2/3 nga gikinahanglan alang sa conviction.
Sa pagkakaron, padayon pa ang pagtuki sa mga balaod ug pamaagi aron mahatagan og katin-awan ang dagan sa maong impeachment proceedings.
