Gihulagway ni kanhi PHIVIDEC Administrator Jose Gabriel Pompee La Viña nga usa lamang ka dakong binuang ug walay kapaingnan ang nahitabong impeachment trial batok kang Bise Presidente Sara Duterte sa partikular sa reklamong grave threats ug inciting to sedition.
Gipunto niya nga wala kini igong basehan ug gani nangatras na ang pipila sa mga gipresentar nga testigo human napakyas pagpamatuod sa ilang mga pasangil.
Dugang pa ni La Viña, imposible usab nga makakuha og napulo ug unom ka boto gikan sa mga senador aron makombikto ang bise presidente ilabi na nga lig-on gihapon ang suporta niini sa daghang dapit.
Sa pagkakaron, giisip lang sa maong kanhi opisyal nga usa lamang kini ka saba ug binuang nga walay klarong padulngan sa politika.
