Unanimous ang desisyon sa Korte Suprema sa pagbasura sa impeachment batok kang Bise Presidente Sara Duterte nga gisumiter sa Kamara niadtong Pebrero 2025. Gibutyag ni Supreme Court Spokesperson Camille Sue Mae Ting nga “pinal na” ang hukom sa SC En Banc bisan pa sa paningkamot sa Kamara nga baliktaron ang desisyon. Sa en banc session, kagahapon, Enero 28, gi-anunsyo sa korte nga tanang mahistrado nag-uyon nga ilegal ug wala makasubay sa balaod ang proseso sa impeachment, ug gipalig-on ang inisyal nga ruling niadtong Hulyo 25 nga nag-ingon nga nalapas ang one-year bar rule sa Konstitusyon. Giila sa mga mahistrado nga wala hatagi sa hustong due process ang kampo sa bise presidente. Gitin-aw usab sa korte nga ang ika-upat nga impeachment complaint nga gisumiter sa Senado niadtong Pebrero 5 nakasupak gihapon sa constitutional ban tungod kay may nag-unang tolo ka reklamo nga gisumiter sa Kamara sa miaging tuig.
