Gipahibalo ni Atty. Proculo Sarmen, usa ka Political Science Expert, nga dili na pwedeng i-refile ang bag-ong impeachment case batok kang Bise Presidente Sara Duterte kung pareho lang ang unod sa mga daang reklamo. Sumala ni Sarmen, kinahanglan nga maghatag ug bag-ong complaint ang mga partidong supak kang VP Duterte, diin ang unod sa reklamo kinahanglan bag-o ug magpamatood sa paglapas sa batakang balaod sa Pilipinas aron mahimong lig-ong basehan sa impeachment.Gipatin-aw usab ni Sarmen nga sa desisyon sa Korte Suprema, nag-apply ang doctrina sa constitutional finality, res judicata, identity of parties, subject matter, ug cause of action. Nagpasabot kini nga kung ang usa ka kaso nahukman na sa hustong korte ug pinal na ang desisyon, ug pareho gihapon ang partido ug isyu, dili na kini pwedeng balikon.
