Walay gahum ang Korte Suprema nga magdesisyon sa kaso batok kang Vice President Sara Duterte kay anaa ra kini sa kamot sa impeachment court.
Sa interbyu sa Bombo Radyo gitin-aw ni Attorney Arturo Ubaub sa ART and Partners nga tigtimbang ra ang mga kanhi chief justice ug walay labot ang Korte Suprema sa mismong paghukom sa kaso .
Gipasabot usab niini nga kinahanglang makuha ang 12 o 13 ka boto sa mga senador aron mapatuman ang pinal nga desisyon sa kaso.
Apan, makasulod ra ang Korte Suprema kon adunay paglapas sa hustong proseso sa maong pagdungog.
