Gitin‑aw ni Atty. Oscar Moreno, former city mayor ug law professor, ang kahinungdanon sa impeachment isip mekanismo sa accountability sa mga taas nga opisyal sa gobyerno.
Matod ni Moreno, ang impeachment dili lamang proteksyon alang sa mga opisyal kondili usa usab ka paagi aron masiguro nga adunay pagpanubag ubos sa balaod.
Iyang gilaraw nga pinaagi sa maong proseso, mapakita nga walay opisyal nga labaw sa balaod — lakip na ang presidente, bise presidente, mga mahistrado sa Korte Suprema ug ubang constitutional officials.
Gipasabot pa niya nga ang impeachment usa ka legal nga paagi aron masuta ug matubag ang posibleng kalapasan sa usa ka opisyal samtang anaa pa kini sa puwesto.
Gipunting usab niya nga ang gobyerno kinahanglan magpabilin nga gobyerno sa balaod ug dili sa impluwensya sa mga indibidwal lamang.
Hinungdan niini, giingon ni Moreno nga ang impeachment maoy eksklusibong proseso aron matangtang sa katungdanan ang mga taas nga opisyal kon adunay seryosong paglapas.
Dugang pa, bisan ang mga opisyal nga sakop sa impeachment nagpabilin gihapong ubos sa gahum sa balaod ug obligadong manubag sa katawhan.
