Gitataw ni Atty. Rhobert Maestre, Board of Director sa IBP Misamis Oriental Chapter, nga ang impeachment proceedings batok ni Vice President Sara Duterte mahimong usa ka exciting ug mahinungdanong pagtoon alang sa mga abogado ug law students sa nasud.
Butyag niya nga ang maong proseso makatabang sa pagpalawom sa pagsabot sa Konstitusyon, ilabi na sa mga probisyon nga wala pa matuki og tarong pinaagi sa actual nga legal nga paghubad ug aplikasyon.
Labaw niini, gilaraw ni Maestre nga daghang bahin sa Konstitusyon ang wala pa hingpit nga na‑explore tungod kay pipila niini nagkinahanglan pa og enabling law aron mapatuman ug magamit sa praktis.
Gipasabot usab niya nga ang impeachment case mahimong basehan sa umaabot nga legal interpretations ug constitutional discussions sa nasud.
Iyang gitataw nga ang ubang mandato sa Konstitusyon direkta nga masunod, apan adunay mga probisyon nga nanginahanglan pa og dugang nga balaod aron mahimong epektibo ug adunay legal nga pwersa.
Pinaagi sa maong impeachment proceedings, giingon ni Maestre nga mas mapalambo ang jurisprudence ug legal resources nga mahimong gamiton sa mga abogado ug korte sa umaabot nga mga kaso.
