Nalukong karon ang nasod sa usa ka constitutional crisis tali sa pagdakop ug pag-impeach kang Vice President Sara Duterte.
Kini ang gipahayag ni Atty. Samson So Tan sa Liceo de Cagayan University Law School taliwala sa giingong pag-maniobra sa Department of Justice sa balaod aron lang maipit ang Bise Presidente.
Gipasabot ni Tan nga ang tinuod nga katuyoan sa impeachment mao ra ang pagtangtang sa pwesto ug dili ang pagpreso sa usa ka opisyal samtang naglingkod pa kini.
Tungod kay wala pay tin-aw nga desisyon ang Supreme Court, gibutyag sa abogado nga kinahanglang desisyunan na kini aron dili magamit ang balaod sa pamulitika.
