CAGAYAN DE ORO CITY, Philippines – Taas ang tsansa nga muaginod ang tolo ka impeachment complaints ni Bise Presidente Sara Duterte sa Senado gamit ang merito sa kaso.
Opinyon kini ni Atty Michael Henry Yusingco, propesor ug Senior Research Fellow sa Ateneo Policy Center, ug lecturer sa University of Asia & the Pacific School of Law.
Apan gitin-aw ni Atty Yusingco nga pwede isaka sa kampo sa bise president kining proseso sa impeachment sa Korte Suprema gamit ang duha ka bug-at nga argumento.
Usa niini mao ang pagsupak sa proseso sa rules of impeachment nga gihimo sa kamarabaha, ug ang pagrailroading o pagmanipular sa impeachment process nga gipaluyuhan sa Speaker of the House.
Nagtoo ang hanas nga abogado nga pwede kasuhag kriminal sa kampo ni Duterte ang tanan miperma sa iyang impeachment ug laing kasong administratibo batok house speaker, house secretary general ug majority floor leader nga maoy nagdeklarar ug nagmosyon nga ipasa sa senado ang 215 signatories sulod lamang sa usa ka adlaw.
Una niini, gitin-aw sa experto sa konstitusyon nga sa dili pa mu-aginod ang pagmugna sa articles of impeachment, kinahanglan mamumpa pa sa House Secretary General ang mga magbabalaod ug nabuak sa 215 ka mga magbabaldo ang nasampit nga constitutional guidelines hinungdan nga illegal ang pag-aginod niini sa senado.
