CAGAYAN DE ORO CITY, Philippines -Dili atrasan ni Comelec Chairman Atty George Erwin Garcia ang bribery case nga laraw e-file kaniya sa mga politiko nga gustong dauton ang imahe sa iyang liderato sa poll body.
Maisugon nga gisugilon ni Garcia nga gawas sa bribery case, duna pa siyay gilauman nga impeachment case tungod sa politikanhong pag-interes sa pipila ka mga magbabalaod ug kanhi magbabalaod sa nasud.
Gani, gihagit ni Garcia ang kadtong miyembro sa milabay’ng kongreso nga imbestigaran ang naghinobra ka mahal nga presyo ug proseso sa bidding sa gigamit nga automated voting machines sa 2016 elections.
Nagtoo si Garcia nga mao kini ang hinungdan nga gipaspasan ang pagpalagpot kaniya aron patyon ang maong kontrobersiya. (
