Gipangayo sa pundok sa Bantay Impeachment ug Kilosang Mayo Uno (KMU) ang mas paspas nga paglatag sa mga ebidensya ug pagpresentar sa mga testigo batok kang Vice President Sara Duterte atol sa impeachment trial sa Senado.
Sumala ni Jerome Adonis sa maong pundok, dakong kabalaka nila ang posibleng pagkalangan sa maong proseso hangtod sa tuig 2027 nga mahimong babag sa umaabot nga piniliay sa 2028.
Bisan pa man niini, gidayeg sa grupo ang pagkapulido ug stable nga dagan sa mga sesyon sa mga senator judges nga padayong nagtutok sa pagpangita sa kamatuoran.
Tungod niini, gipamugos ni Adonis nga kinahanglang dili mausikan ang panahon aron daling mahatag ang hustisya alang sa nasud ug sa katawhan.
