Dayag ang dibisyon o pagkabahin-bahin sa mga Pilipino sa kasamtangang impeachment trial ni Vice President Sara Duterte, sumala sa Geopolitical Analyst ug Professor nga si Lucanus Azrael Igot.
Sa interbyu sa Bombo Radyo giangkon ni Igot nga tungod sa maong sitwasyon, nasinati na karon ang nagkalain-laing opinyon ug ideya sa politika nga nagresulta sa pag-init sa panag-istoryahanay sa publiko.
Busa, nanawagan siya sa tanang mga lungsoranon nga bisan pa sa managlahing baruganan, angayan gihapon nga magpabilin ang respeto sa matag usa ug likayan ang agresibong panag-away.
Sa katapusan, giawhag usab sa maong eksperto ang katawhan nga hisgotan ang maong isyu sa sibilisado nga pamaagi ug ibilin na lamang ngadto sa mga hingtungdan ang pag-evaluate sa dagan sa maong trial.
