Dili angay isipon nga persecution ang impeachment ug ang mga kaso nga giatubang sa mag‑amahan Duterte, sumala sa Coalition Against Trafficking in Women‑Asia Pacific (CATW‑AP).
Namahayag si Jean Enriquez, founding convenor sa CATW‑AP, nga ang maong mga proseso kabahin lamang sa hustong pagpatuman sa hustisya ug accountability.
Butyag niya nga sa matag debate o diskusyon kinahanglan klaro ang mga basihan ug ebidensya nga nagpaluyo sa legal nga lakang, ilabi na sa kaso sa International Criminal Court (ICC).
Matod niya, adunay “scientific basis” ug lig‑on nga legal nga pundasyon ang mga imbestigasyon nga gibuhat batok sa mga Duterte, lakip na ang giingong co‑perpetrators ni kanhi Presidente Rodrigo Duterte sa pagbuhat sa crimes against humanity.
Busa alang kaniya, ang impeachment ug uban pang legal nga proseso kinahanglan sabton isip bahin sa sistema sa hustisya nga nagtumong sa pagpanubag sa mga opisyal aron mahatagan ang nasud sa kahigayunan nga makaambit sa tinood nga hustisya.
