GIPAAMBIT ni Atty. James Reserva, usa ka constitutional law professor, nga kuwestiyonable ang mga grounds sa impeachment batok kang Bise Presidente Sara Duterte tungod kay wala pa’y klaro ug pinal nga findings, busa dili kini mahimong basihan pinaagi lang sa “premature allegations.”
Gipaambit usab niya nga pulitika gihapon ang tuyo sa impeachment, dili tinuod nga accountability, ug ang tinuod nga katuyoan mao ang pagpahawa kang VP Duterte sa 2028 Presidential race.
Gipasabot ni Reserva nga ang impeachment dili demokratikanhong pamaagi kay kini usa ka porma sa pag-panglupig ug wala misunod sa espiritu sa demokrasya. Gipaambit niya nga demokratiko lang ang proseso kon walay limitasyon ang katawhan sa pagpili kinsa ang ilang gustong lider nga modumala sa nasud
