Walay nahimo ang lima ka senadores nga gusto mapadayon ang pagtuki sa articles of impeachment batok kang Vice Pres Sara Duterte sa senado ning adlawa.
Kini human nagpasar sa resolusyon si Senator Alan Cayetano nga ibalik una sa kamarabaha ang impeachment complaint aron han-ayon nila’g maayo nga walay nasupak nga probisyon sa batakang balaod.
Nakakuha sa 18 ka boto sa sa mga senador ang maong resolusyon rason nga walay mahitabong pagbatbat sa articles of impeachment batok VP Sara ning adlawa.
Unang gihandos ni Senator Ronald de la Rosa ang resolusyon nga hingpit ipabasura ang impeachment case sa bise-presidente apan mitindog si Cayetano aron isugyot nga ipa-amendar kini.
Ang wala nabantayan sa mga pabor sa impeachment nga senador nga anaa diay sa plano ni Cayetano nga ig-on sa teknalidad nga angay patun-ag balik sa mga kongresista ang ilang reklamo kung wala ba nakalapas sa konstitusyon.
Kini tungod kay anaa sa upat ka impeachment cases ang nasang-at sa kamarabaha apan sulod lang sa usa ka tuig.
Subay sa balaod,usa lang ka impeachment complaint ang mahimong masang-at kada-tuig ug kini ang rason nga miuyon ang 18 ka senadores nga ibalik ug wala gibasura ang maong kaso ngadto sa kamarabaha.
