Mupatuman sa hugot nga monitoring ang Police Regional Office-10 batok sa implementasyon sa Republic Act 7183 o mas naila isip regulasyon sa pagpalit ug pagpabuto sa pagselebrar sa Pasko ug pagsugat sa Bag-ong Tuig.
Nagpadumdum si PRO-10 spokesperson Police Major Joann Navarro nga subay sa balaod, adunay designated area ang usa ka barangay LGU o syudad kung asa magpabuto.
Gawas niini, bantayan usab sa kapulisan ang smuggling sa mga illegal firecrackers nga maoy sagad halinon kay barato ang palit .
Gitin-aw sa PRO-10 nga gidili na ang pagpamaligya sa watusi, popop, pla-pla, piccolo, five star, giant bawang, giant whistle bomb, atomic bomb (large size), judas belt, super lolo, goodbye bading, lolo thunder, atomic triangle, mother rockets, goodbye Philippines, boga, ug uban pang mga pabuto nga dagko ug overweight, kay kining tanan giila sa balaod nga “illegal”.
Gawas sa pisikal nga pagpamaligya, aduna usab kapulisa nga na-assign nga mubatok sa mga online sellers sa mga ilegal nga pabuto.
Co-writers: James Oliver
