Gipasabot ni Roy Lumban, Senior Education Program Specialist, nga ang pagtinabangay tali sa gobyerno, eskwelahan, ug komunidad mao ang yawe aron matabangan ang mga kabataan nga makasulod ug makalahutay sa eskwelahan.
Giingon niya nga ang suporta gikan sa Pantawid Pamilyang Pilipino Program(4ps), libreng feeding program, ug libre nga school materials, naghatag og dako nga kahigayunan sa mga estudyante nga makapadayon sa ilang pagtuon.
Gisugyot usab ni Lumban nga ang aktibong kooperasyon sa LGU ug stakeholders makapadako sa epekto sa mga programa alang sa edukasyon.
Pinaagi sa pagtinabangay, masiguro nga ang tanang kabataan, bisan sa kalisod sa ilang pamilya, makadawat sa ilang panginahanglan sa eskwelahan. Gilauman niya nga kini nga kolaborasyon magpadayon aron mas daghan pa ang kabataan nga makakompleto sa ilang edukasyon. (by James Oliver)
