Gipahinumdoman ni Ryan Blanco,Project Development Officer sa DepEd CDO, ang kamahinungdanon sa kanunay nga pagbansay sa mga estudyante sa pamaagi sa duck, cover, and hold aron maandam sa higayon nga adunay mahitabong linog.
Subay sa iyang pamahayag, matag tunghaan gikinahanglan gayod nga adunay kaugalingon nga evacuation route ug evacuation area nga gina-praktis sa tanan.
Kini nga mga pagpangandam tumong nga maminusan ang posibilidad sa kadaot o pagkawala sa kinabuhi kung adunay moabot nga dakong linog.
Dugang pa niini, gipunting ni Blanco nga ang maong mga ehersisyo dako og tabang aron maseguro nga kabalo ang mga estudyante sa angay nilang buhaton sa panahon sa emerhensya.
Busa, padayon ang DepEd sa pag-awhag sa mga eskwelahan nga seryosohon ang pag-practice sa ilang mga protocol sa kaluwasan.
