Gihatagan og dakong pagtagad ni Mental Health Consultant Stella Setier-Ferrarez ang kamahinungdanon sa unang 1,000 ka adlaw sa usa ka bata tungod kay kini ang panahon diin nagpadayon ang kritikal nga kalamboan sa ilang lawas ug panghuna-huna.
Sa iyang interbyu sa Bombo Radyo iyang gipahinumdoman ang mga ginikanan nga ang maayong nutrisyon ug pag-atiman gikan pa sa prenatal stage dako og ikatabang aron malikayan ang stress ug mga sakit nga makadaut sa mental health sa usa ka bata.
Dugang pa niya, dili kinahanglan nga mahalon ang pagkaon tungod kay ang pagbaton og himsog nga lawas usa ka paagi aron mapabilin sa kinatas-ang lebel ang mental health sa usa ka tawo.
Busa, gidasig niya ang tanang Filipino families nga amomahon ang husto nga panglawas sa mga bata sukad sa pagkabata aron malikayan ang risgo sa anxiety ug depression sa umaabot nga panahon.
