CAGAYAN DE ORO CITY – Gikompirmar ni Mindanao Container Terminal o MCT collector John Simon nga nakabiyahe na ang barkong Maersk MV L8H Nordmarsh padulong South Korea.
Kini nga barko ang gikargahan sa 2-mil 400 metric tons nga household wastes gikan sa Brgy Sta Cruz,Tagoloan,Misamis Oriental.
Siya miingon nga niadto pang Lunes nakabiyahe ang barko human kini ma-stranded sa pantalan ug naghulat sa iyang iskedyul sa pagbiyahe.
Dugtong niini, giawhag ni Simon ang katawhan sa Northern Mindanao nga isaulog ang kadaugan kay kay nabiyahe na ang 60 ka container vans sa basura pabalik Korea nga gilabay sa lalawigan tuig 2018.
