CAGAYAN DE ORO CITY – Matugyan na’g balik sa South Korea ang kapin 5-mil ka imported waste materials o basura nga gipalusot sa Verde Soko Philippines Incorporated diha sa Tagoloan,Misamis Oriental sa katapusang bahin ning bulana.
Kini tungod sa walay hunong nga pag-rebagging sa maong mga basura aron masulod sa container vans nga isakay sa Maersk Shipping Lines pabalik sa South Korea.
Miingon si Mindanao Container Terminal collector John Simon nga tinguna nila nga pag-abot sa tuig 2020,hingpit nang masulbad ang maong kontrobersya.
Una niini,kapin sa tuig na ang maong mga basura nakata-estangko sa yarda sa Verde Soko sukad nasapon nga gipalusot nga kulang sa mga dokumento sa tuig 2018.
