Inay pagsusi sa presyo sa kinilong karneng baboy, imported nga mga sibuyas ang nadiskobrehan sa Department of Agriculture sa merkado sa Paco Public Market, Metro Manila, kagahapon.
Namahayag si DA Secretary Francisco Tiu Laurel nga wala mihatag sa patnugot ang gobyerno nga mamaligya sa imported nga sibuyas busa ilang gipangayo ang koordinasyon sa mga tindero aron masuta kung asa kini nag-gikan.
Miingon si Laurel nga dali ra mahibaw-an ang mga imported onions tungod sa ilang pisikal ug abnormal nga gidak-on. Gawas niini, nasapon sa DA nga sobra ka barato ang presyo sa maong lamas.
Mipasidaan ang kalihim sa DA nga posibleng mag-atubang sa kasong paglapas sa Republic Act No. 12022 o mas naila isip Anti-Agricultural Economic Sabotage Act.
Ang silot alang sa mga masakpan nga nagapasiugda sa agriculture smuggling naglakip sa pagkapriso ug dako nga multa, depende sa kantidad sa mga produkto nga ilang gi-smuggle.
Una nang gipamugos sa DA nga ang gobyerno nagpatuman sa mas istriktong regulasyon aron maprotektahan ang mga lokal nga mag-uuma ug malikayan ang pagtaas sa presyo sa mga produkto.
Tungod sa hitabo nag-usag puwersa ang DA ug PNP aron masuta kung kinsa ang nagpaluyo sa pag-ismagol sa imported nga mga sibuyas.
