CAGAYAN DE ORO CITY – Nabawi sa mga personahe sa City Veterinary Office ang kinilo nga imported pork products nga ilegal gi-display sa merkado Cogon ning syudad kaganihang kadlawon.
Kini human mihimo’g surprise inspection ang maong buhatan ilabina nga dunay dakong bahad sa African Swine Fever o ASF ang Pilipinas partikular sa tulo ka probinsya sa Luzon.
Gibutyag ni Dr. Daryl Rasay,senior meat control officer sa city veterinary office nga 44 kilos sa karne,18 ka ulo sa ulo sa baboy ug imported chicken gikan sa Amerika ang nabawi nila gikan sa mga vendor sa maong merkado.
Miingon si Rasay nga itugyan nila sa city legal office ang sunod nga lakang batok sa mga market vendor nga nakuhaan sa imported nga karneng baboy ug manok ning
syudad.
