CAGAYAN DE ORO CITY – Gitakdang ipa-aktibo ang incident management team o IMT alang sa hiniusa nga pagpatuman sa mga lakang ug mga gabayan sa pag-obsebar sa adlaw sa mga santos ug kalag sa dakbayan.
Gibutyag ni City Disaster Risk Reduction and Management Department head Nick Jabagat nga gihulat nila ang pinal nga hukom ni City Mayor Rolando ‘Klarex’ Uy aron ipaubos sa IMT ang kontrul sa mga lihok sa nagkadaiyang buhatan alang niini.
Siya miingon nga hayan sa petsa 31 sa Oktobre,ipatuman ang aktibisasyon sa IMT alang sa maong katuyuan.
Hisayrang apil usab sa ilang bantayan ang mga lugar nga dagsaon sa katawhan nga naglakip sa pantalan,public transport terminals,mga mercado ug ilabina ang simbahan.
