Kumpleto, nabansay ug preparado ang namugna nga task force ni Mayor Rolando Klarex Uy nga maoy nag-manned sa managlahing sam-ang sa syudad.
Gitin-aw kini ni Jade Adecer, City Informaiton Officer.
Miingon si Adecer nga gawas sa pag-aktibo sa Incident Management Team o IMT, kuyog ang City Disaster Risk Reduction and Management Office, nakigkooperar usab ang syudad sa kapulisan, DOH, ug uban pang hingtundang ahensya aron maseguro nga hapsay ang pagbisita sa mga dumuduaw sa menteryo sugod ning adlawa, hangtud sa Nobyembre 3.
Gitin-aw ni Adecer nga adunay libre sakay ang LGU pasulod sa City Memorial Park sa Brgy Camaman-an ug sa maong proseso, alang kini sa tanan, apan mas prayoridad ipasakay ang mga mabdos, persons with disability, ug mga tigulang.
Gihanyo sa CITY LGU ang mga batan-on nga dili magmasinapukon sa mga gabayan sama sa pagsaba-saba, pag overnight stay ug pagdala sa makahubog nga ilimnon kay gidili kini sa Executive Oder nga gipalabang sa opisina sa mayor.
Kagahapon, mitala ang syudad kapin 3 mil sa buntag ug kapin 4 mil ka mga bisita sa Bolonsori.
