Namahayag si Senate President Vicente “Tito” Sotto III nga usa lamang ka “publicity stunt” ang gipasaka nga “petition for indirect contempt” batok kaniya ni Atty. Ferdinand Topacio.
Hisayran nga gi-presentar sa grupo ni Topacio ang maong petisyon sa Korte Suprema tungod sa giingong paglapas ni Sotto sa Korte Suprema kalabot sa desisyon niini sa impeachment ni Vice President Sara Duterte.
Sa iyang pamahayag, gitawag ni Sotto nga usa ka “nuisance suit” ang petisyon ug giingon nga wala kini legal nga basihanan, kay matod niya, pagkontra ug kritisismo lang kini sa desisyon sa korte.
Dugang pa ni Sotto nga isip abogado, dapat nasayod na si Topacio niini diin daghan na siyang rekord nga namahayag sa pagdumili sa mga desisyon sa korte nga wala nakapabor sa iyang mga kliyente.
