CAGAYAN DE ORO CITY – Tulisukon unta sa tanlag ang lalaki nga suspek nga giingong milugos ug mipatay sa 17 anyos nga babaye nga nakit-ang gilubong sa lapok sa tangkongan nga bahin sa Mambato,Agora,Brgy Lapasan ning syudad.
Kini human kompirmaha ni Recinette Pactol nga iyang anak ang nakit-an sa mga tawo nga wala na’y kinabuhi ug nagbaton sa tinigbasan ang liog diin sa punerarya na lang niini naabtan sa dakbayan ning adlawa.
Gibutyag ni Pactol nga unta motahan na sa mga otoridad ang suspek nga si Sanny Boy Ratunil,alyas Boy Tangkong,62 anyos nga nakit-an nga maoy mihimo sa kremin.
Maoy gusto niini nga ma-otopsiya ang patay’ng lawas sa biktima ayha dad-on pauli sa Sultan Naga Dimaporo, Lanao del Norte.
Hisayrang nagsaysay ni Gng Pactol nga hinapos nga bahin pa sa tuig 2024 milaylo ang biktima si Diana Jane sa ilang lugar aron manarbaho dinhi sa dakbayan.
