CAGAYAN DE ORO CITY-Kasuhan sa pagpabaligya sa gidiling droga ang inahan sa iladong aktibista ning syudad tungod sa pasangil nga nagpayuhot kini’g droga.
Kini human gilusad sa kapolisan ang anti-illegal drug buy bust operation diin nasikop si Kristine Cabardo, Mary Ann Cabardo ug ama-ama niini sa Purok 1, Barangay Samburon, Linamon, Lanao del Norte.
Miingon si Sr/Insp. Teodoro Gallego, hepe sa Linamon PNP nga dugay nang target sa kapolisan ang inahan ni Kristine hinungdan nga nasikop ra nila kini sa maong lugar.
Nakuha gikan sa inahan sa aktibista ang giingong suspected shabu sachets nga nagbalor sa tunga sa milyon pesos.
Hinoon, gibuhian ra sa kapolisan si Kristine ingon man ang laing tulo ka kauban niini apan gi-detinar nila si Gng Mary Ann tungod sa maong pasangil.
