Misaka ang kaso sa Influenza like Illness [ILI] sa syudad.
Kumpirmasyon kini ni City Health Office Head Dra Rachel Dilla. Miingon si Dilla nga misaka sa 9% ang kaso o adunay 1,454 ka mga tawong nagsakit, gikan sa Enero 1 hangtod Oktubre 18 ning tuiga. Mas taas kini sa ,322 ka kaso sa susamang panahon niadtong 2024.
Miingon ang CHO nga walay pili sa edad ang naigo sa ILI kay bisan usa ka tuig hangtud 96 anyos nga tigulang ang ilang nasilbihan nga pasyente sa milabay nga napulo ka semana.
Sa maong ihap, 52% ang mga babaye, ug mas daghan pa ang ihap sa mga kalalakihang nag-igo sa maong balatian.
Pinakadaghang ILI Cases natala sa Barangay Lumbia nga adunay 182.
Apan mas gamay kini itande sa 265 sa miaging tuig.
Gisundan kini sa Brgy Carmen nga adunay 160; Patag 149, Lapasan 132, Bulua 77, Balulang 75, Nazareth 70, Canitoan 63, Gusa 63, ug 38 sa Barangay Kauswagan.
Gumikan sa pag-usbaw sa kaso, gipa-aktibo na sa CHO ang ilang Incident Command System aron bantayan ang kahimtang ug mapugngan ang posibleng pagtaas sa mga kaso.
Pabiling walay direkta ang Department of Health sa Mandatory nga pagsul-ob sa facemask kay walay outbreak sa ILI.-
